Diyatigiya Mali la


Diyatigiya ye Mali taabolo ɲuman dɔ ye. kabini watijan fɔ kana a bila bi la.
N’i y’a lajɛ, i b’a ye ko diyatigiya daɲɛ b’a yɛrɛ kɔrɔfɔ an ye. Diyatigiya la, i bɛ di ye a kɔnɔ. O b’a jira an na ko diyatigiya kɔrɔ ye ka dunan ka dunanya diya don a la i ko di bɛ cogo min na. K’a bisimila ka ɲɛ, a kana kɔnŋɔn, a kana minɔgɔ. K’a kɔlɔsi, ka yɔrɔ taabolow ni yɔrɔ tanaw fɔ a ye bawo a bɛ fɔ bamanankan na ko « dunan ɲɛ ka bon, nga a tɛ yeli bɛrɛ kɛ ». O la diyatigi bɛ kɛ dunan ɲɛ ye walasa k’a kisi yɔrɔ tanamakow ma. O kɛwale ninnu dama ka kan bɛɛ la du kɔnɔ, dugu kɔnɔ, ani jamana kɔnɔ dunan fanfɛ. Bɛɛ b’i hakili to dunan na walasa a kana tɔrɔ sɔrɔ a ka dunanya kɔnɔ.
N’i ko diyatigi i ko dunan. Dunan fana daɲɛ b’a yɛrɛ kɔrɔ fɔ an ye. Dunan o de ye maa min bɔra a ka so ka taa yɔrɔ wɛrɛ. N’i y’a lajɛ, nan dama kakan duden bɛɛ la. Wa, nan dama ka kan duden bɛɛ la cogo min na, dunan min nana du kɔnɔ, o dama ka kan duden bɛɛ la ten. A man surun dɔ la ka tɛmɛ dɔ kan. O de la, dunan fana ka kan k’a dɔn ko ale dama ka kan bɛɛ la, o la, a man kan ka dɔ fisaya ni dɔ ye, a man kan ka ko kɛ min b’a to duden dɔ b’a kɔlɔsi ko a bɛ ka don u ni ɲɔgɔn cɛ. O de la, a ka kan ka kɛ ɲɛlikɛla ye du kɔnɔ walasa ka dudenw dɛmɛ ka dunanya diya don a la. A b’o kɛ du kɔnɔ cogo min na, a b’o kɛ dugu ani jamana kɔnɔ ten. O de la, a bɛ fɔ bamanankan na ko « Dugu bila ka fisa diyatigila yɛlɛma ye »
O de la Mali la, i taara yɔrɔ o yɔrɔ, a b’i ko i b’i ka so bawo i ni minɛ cogo ɲuman fɛn o fɛn ka kan, o bɛ k’i ye.

Publicités

7 réflexions au sujet de « Diyatigiya Mali la »

  1. Très intéressante l’étimologye du mot hospitalité, et très belle aussi. Ça me donne envie de venir au Mali faire un peu de « recherche de terrain » sur le diyatiyatigiya 🙂

Laisser un commentaire

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l'aide de votre compte WordPress.com. Déconnexion / Changer )

Image Twitter

Vous commentez à l'aide de votre compte Twitter. Déconnexion / Changer )

Photo Facebook

Vous commentez à l'aide de votre compte Facebook. Déconnexion / Changer )

Photo Google+

Vous commentez à l'aide de votre compte Google+. Déconnexion / Changer )

Connexion à %s