An fakanw ka ɲɛtaa.


Bi bi in na, hakilina falen falen caman kɛra, lajɛba caman kɛra, wale caman bila la sen kan an ka kan ka ɲɛtaa kama.
Nafa caman fɔra an ka kan tali la ba la, nka fɔli t’a ɲɛ fɔ a ka waleya k’a jira ko nafa minnu bɛ fɔ, ko ni kan ninnu tara ba la, u bɛ se k’o magow ɲɛ.
Walikan kalan ye fanga sɔrɔ kosɛbɛ, nka halisa, an ka togoda yɔrɔ dɔw bɛ ye, o lakɔli kalan ma sabati yɔrɔ minnu na kosɛbɛ. O yɔrɔ ninnu bɛɛ la, i bɛ se ka mɔgɔ damadɔ sɔrɔ yen minnu b’u magow bɛɛ ɲɛnabɔ an fakanw na. O b’a jira ko an ka kanw kalanni kɛra sababu ye ko mɔgɔw bɔ dibi la.
Nka, halisa n’an y’a lajɛ, an b’a ye ko a ye mago ba ɲɛ u ye u sigidaw la, nka o mɔgɔ kelenw bɛ don dibi la n’u nana an ka dugubaw kɔnɔ.
Bolimafɛnw caya ni mɔgɔw mago caya kɛra sababu ye ka dugubaw ni togodaw bila ɲɔgɔn na. Togodalamɔgɔw cayara duguba kɔnɔ. Duguba kɔnɔ tamasiɲɛw, i n’a fɔ bitigiw tamasiɲɛ, baarayɔrɔw tamasiɲɛ, sirabasariyaw tamasiɲɛ, olu bɛɛ sɛbɛnnen bɛ kan wɛrɛ la togodala mɔgɔw tɛ se ka min kalan. O b’a jira k’olu minnu jatelen bɛ kalanbaw ye togodaw la, olu bɛ kɛ kunfinw ye dugubaw kɔnɔ k’a sabu k’an ka kanw donbaliya ye jate la duguba tamasiɲɛw na.
Nin bɛ b’a jira k’a fɔ ko n’an bɛ fɛ k’an ka kanw ta ba la, fɛn caman bɛ yen, an bɛ se ka min kɛ n’u ye.
A ma fɔ k’u sɛbɛnnen bɛ walikan minnu na, k’olu ka bila, nka, an bɛ se k’an yɛrɛ ka kan dɔw sɛbɛn o walikan ninnu duguma bitigidaw la, baarayɔrɔw la ani sirabasariya pilakiw kan walasa bɛɛ ka faamuya sɔrɔ a la.
N’i sera an ka togoda dɔw la, i b’a ye ko bitigitigi dɔw kɛlen bɛ ka bitigi tamasiɲɛ sɛbɛn u ka bitigi da la walikan na, nka i b’a sɔrɔ a sɛbɛn cogo maɲɛ. O la, a ma kɛ o walikan in ye wa a tɛ faamu an yɛrɛ ka kan na.
N’i bɛ dugutaasira kan, duguw tɔgɔ dɔnni bɛ magoba ɲɛ, a b’a to I b’a dɔn I bɛ hakɛ min na, a b’a to fana, I k’a dugu tɔgɔ mara bawo a bɛ se ka kɛ I mago bɛ jɔ a dugu dɔw la kɔ fɛ. Pilaki minnu turulen bɛ ka dugu jira sirabada la tugutaa sira kan, olu bɛ sɛbɛnnen bɛ walikan na, togodalamɔgɔ caman tɛ se ka minnu kalan. O fana ka kan ka lajɛ.
Nin hakilina ninnu ɲɔgɔnna caman bɛ ye minnu bɛ se ka sabati an ka kanw na, n’an bɛ fɛ k’u kɛ baara kɛ minɛn ye.
An fakanw ka ɲɛtaa.

Publicités

4 réflexions au sujet de « An fakanw ka ɲɛtaa. »

  1. Bonjour Boukary,
    Merci pour cet article, je n’avais jamais vu la question sous cet angle. Et cela me rappelle la Bretagne, lorsque j’etais enfant les panneaux d’indication n’etaient qu’en Francais, maintenant ils sont en Francais et Breton

  2. Je suis tout à fait d’accord avec toi, Boukary, surtout quand tu dis que « la parole ne suffit pas, il faut lier la parole à l’acte » pour montrer la prise en compte des langues nationales.

Laisser un commentaire

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l'aide de votre compte WordPress.com. Déconnexion / Changer )

Image Twitter

Vous commentez à l'aide de votre compte Twitter. Déconnexion / Changer )

Photo Facebook

Vous commentez à l'aide de votre compte Facebook. Déconnexion / Changer )

Photo Google+

Vous commentez à l'aide de votre compte Google+. Déconnexion / Changer )

Connexion à %s