Mototakisiw (Takisininw) ye sɔrɔ yirawasira dɔ ye Segu Mali la.


Ɛntɛrinɛti y’o ye fana ! K’i to i sigiyɔrɔ la, k’a dɔn diɲɛ fandɔ fɛ ko karisa ye jɔnni ye, a miiriya ye mun ye, a bɛ mun kɛ.
Diɲɛ fan fitini bɛɛ b’a jija a ta cogo la, min ka kan ka dɔn fandɔ mɔgɔw fɛ.
Takisini ye sɔrɔ yirawasira dɔ ye Segu demisɛn dɔw fɛ wa a bɛ taama nɔgɔya. Bi, siniwa motow ye fan bɛɛ fa i n’a fɔ jakarita, yamaha ani suguya wɛrɛw. I n’a fɔ o se tɛ bɛɛ ye, dɔw diyagoyalen don ka bolimafɛn dɔw ta i n’a fɔ Takisini furancɛ surun dɔw la. O kɛra baara sira ye demisɛn dɔw bolo walasa k’u ka musakaw dakala.
N kɛlen k’o Takisini ninnu ye fan bɛɛ fɛ, janko dugu kɔnɔna ni Pelengana cɛ, n gɛrɛ la a bolibaa kamalenni dɔ la walasa ka kunnafoni sɔrɔ a ko kan kosɛbɛ.
N ka ɲininkali kɔ fɛ, a ko ale tila la kalan na, jatekalan sira fɛ. Yanni a k’a sigi ten baara ntanya la, a bɛ nin baara in kɛ walasa k’a ka musakaw sɔrɔ wa ale n’a ɲɔgɔnna demisɛn caman bɛ baara in kɛ.
N ka ɲininkaliw la k’a dɔn ninTakisini ninnu bɛ sɔrɔ cogo min, a ye n jaabi ko a sɔrɔ cogo ka can.
ANPE bɛ moto ninnu di demisɛnjɛkuluw ma, u bɛ baara kɛ n’u ye k’a sara u ni a dibaw ka bɛnkan kɔnɔ.
Se bɛ dɔw ye, olu b’a san k’a di bolibaa ma sara la. Bolibaw bɛ taa wari di u ma don o don.
Dɔw b’a san u yɛrɛ ye, dɔw somɔgɔw b’u dɛmɛ k’a san. Olu b’a boli u yɛrɛ ye, u tɛ wari sara maa si ye.
N kɛlen k’a ɲininka n’a bɛ nafa sɔrɔ baara in na, a ko ɔwɔ, bawo Takisinin tigi b’a sara kalo la, a b’a jija k’o wari kɛrɛnkɛrɛn ka bɛn a ka musakaw ma.
Takisi in ye suguya fila ye. Dɔ bɛ mɔgɔ 8 ta ani bolibaa, dɔ bɛ mɔgɔ 10 ta ani bolibaa. Mɔgɔ kelen kelen bɛɛ bɛ 10 sara ni yɔrɔ ka surun, ni yɔrɔ ka jan, u bɛ 2O sara.
Ni bolibaa min bɛ taa ni 1000 ye don don, o bɛ sara 5000 kalo la, ni min bɛ taa ni 800 ye don o don, o bɛ sara 4000 kalo la takisinin tigi fɛ.
Baara in gɛlɛyaw kun kan, a y’a jira ko ɲɛlɛya bɛ baara bɛɛ la. A ko fura wɛrɛ t’o la fɔ baara kanu ani k’i jija ka baara gɛlɛyaw ku janko olu minnu ni mɔgɔ kuraw don waati bɛɛ. A ko Bɛɛ ka yecogo tɛ kelen ye. Dɔw ka ko ka nɔgɔ, u bɛ muɲu, dɔw kɔrɔtɔlen bɛ tuma bɛɛ, anw de b’o bɛɛ ku. A ma nɔgɔ, nka an b’a jija, a ko ten.
Mototakisiw (Takisininw) ye sɔrɔ yirawasira dɔ ye Segu Mali la.

Publicités

Une réflexion au sujet de « Mototakisiw (Takisininw) ye sɔrɔ yirawasira dɔ ye Segu Mali la. »

  1. « Chaque petite contrée du globe se débrouille en sa façon et cela doit être découvert par l’autre. » Je suis tout à fait d’accord, et c’est pour cela qu’on aime beaucoup lire ton blog!
    Par exemple, j’ai vu des moto-taxis dans plusieurs pays en Afrique mais jamais celles qui prennent 8 ou 10 personnes. Très intéressant! (et bravo pour la photo, la prochaine fois il faut nous montrer la moto pleine de passagers, ha ha)

Laisser un commentaire

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l'aide de votre compte WordPress.com. Déconnexion /  Changer )

Photo Google+

Vous commentez à l'aide de votre compte Google+. Déconnexion /  Changer )

Image Twitter

Vous commentez à l'aide de votre compte Twitter. Déconnexion /  Changer )

Photo Facebook

Vous commentez à l'aide de votre compte Facebook. Déconnexion /  Changer )

Connexion à %s