Bolokoli ye hadamadenya kalanso dɔ ye Farafinna


N kan tɛ bi ma, ni den bɛ boloko kabini a wolo waati walima kalo damadɔ a wololen kɔfɛ. N kan bɛ waati ma, waati min ni den tun bɛ boloko a san 12 walima ani kɔ. Kɔrɔba de b’o san hakɛ in sugantili la. O waati den b’a dɔn min kɛra, a hakili bɛ to a ka kalannenw na fana.
Bilakoro minnu tun ye si hakɛ kelen ye, olu tun bɛ boloko ɲɔgɔn fɛ. A ɲɛfɔli ka jan. An b’an wasadon a kunbaba dɔw la minnu bɛ demisɛn kɔrɔbayalen bolokoli nafa jira an na.
N bɛ n ka banfula jɛngɛ Farafinna makɔrɔbaw ye u ka yamaruya di n ma n ka n da se nin ko in ma, ko min fɔli, a sɛbɛnni, a carinni ani a marali bɛ bidemisɛnw bilasira kosɛbɛ, demisɛn minnu gɛrɛsɛgɛ bɛ ka dɔgɔya dɔɔni dɔɔni nin ko ninnu dɔnni na farafinna, ka sɔrɔ u jɔyɔrɔ ka bon an ka hadamadenya taabolo la. N b’a kɛ ka n to “fɛn bɛɛ tɛ fɔta ye” sariya labatoli kɔnɔ.

Bolokoli bɛ demisɛn kalan dusu ni cɛfarinya la:

Bolokoli ye lamɔ kalanso ye, hakilitigiya ani fafarinna danbew kalanso don. Bolokodenw, ni dɔw k’u ma solimadenw, olu bɛ kalifa dugu kamalenkɔrɔ dɔ la min hakili ka bon. O b’u kalan laadakɔrɔw ni taabolo ɲumanw na. Kabini bolokoli don sɔgɔmada joona fɛ, bolokodenw bɛ kalan cɛfarinya la. U daraka bɛ kɛ dumuni kalama forontomaba dɔ ye. O dumuni bɛ weele ko cɛfarinto. O kɔrɔ ye k’u dege diɲɛlatigɛ gɛlɛyaw la. U k’a dɔn ko diɲɛ ko bɛɛ tɛ nɔgɔman ye, gɛlɛyaw fana b’a la, gɛlɛya minnu n’u ka kan k’olu kun bɛ ni muɲu ni cɛsiri ye ka t’a fɛ. O cɛfarinto in ni juguya tɛ fan kelen ka ɲɛsin demisɛnw ma. A kun ye kun labɛn u hakili n’u farikolo la ka bila don nataw ɲɛ diɲɛlatigɛ la i n’a fɔ sukuruba y’a fɔ cogo minna: « n bɛ n dege sensabataama na, yanni n woro kelen ka kari »
O dumuni dunnen kɔ, a man kan bilen, o demisɛnw ka boli u kɛlɛɲɔgɔn ɲɛ, u man kan ka kasi fɔ n’a kɛra hinɛ kasi ye, u man kan fana k’u dɛsɛko jira fɔ n’u b’u danna.

Bolokoli bɛ demisɛnw kalan ɲɛmɔgɔ bonya na:

Bolokodenw cɛma, dɔ bɛ suganti k’o k’u ka ɲɛmɔgɔ ye. O de bɛ kɛtaw bɛɛ fɔ. A b’a janto a yɛrɛ taabolo la ani tɔw taabolo. Ni dɔ bɛ fɛ ka ko bɛnbali dɔ kɛ, a b’o ladi k’o bila sira. N’o m’o ko dabila, a b’o ɲɛfɔ u ka ɲɛmɔgɔba ye. Bolokoden tɔw bɛɛ bɛ tugu o kɔ k’o bonya. O bɛɛ kun ye ka demisɛnw dege ɲɛmɔgɔbonya ni kɔrɔbonya na kabini o waati.

Demisɛnw bɛ faraɲɔgɔnkan, jɛ ani ɲɔgɔnkanu kalan kolokodenso kɔnɔ :

Ka demisɛnw boloko ɲɔgɔnfɛ, o kun ye k’u kalan faraɲɔgɔnkan, jɛ ani gasi dɔnni na. O la, demisɛnw bɛ kalan kumacogo ɲuman na. Jɛ ni ɲɔgɔndɛmɛ nafa bɛ fɔ u ye k’a jira u la k’u kana layidu ta u tɛ se ka min tiimɛ, wa u k’u dalakan labato waati bɛɛ. Demisɛnw bɛ kalan ɲɔgɔnkanu na k’a jira u la k’u ka kan ka ɲɔgɔn kanu, ka ɲɔgɔndɛmɛ cogo bɛɛ la, u ka na janfa kɛ fiyɛwu. Ni ŋɔni ye dɔ sɔgɔ a senna, tɔw ka kan k’o dimi kɔlɔsi u kunkolo la. U bɛ ko bɛɛ kɛ ɲɔgɔnfɛ bɛn, kelenya ani ɲɔgɔnkanu kɔnɔ.

A tɔ bɛ na

Publicités

Laisser un commentaire

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l'aide de votre compte WordPress.com. Déconnexion / Changer )

Image Twitter

Vous commentez à l'aide de votre compte Twitter. Déconnexion / Changer )

Photo Facebook

Vous commentez à l'aide de votre compte Facebook. Déconnexion / Changer )

Photo Google+

Vous commentez à l'aide de votre compte Google+. Déconnexion / Changer )

Connexion à %s