Mɛkalo tile 25, Farafinna tɔgɔladon


untitled
Bi, mɛkalo tile 25 ye Farafinnatɔgɔladon ye. O ye nisɔndiyadon ye farafin bɛ fɛ walasa ka tassibila kɛ ka ɲɛsin farafinna cɛba dɔw ma, cɛba minnu ye kobaw kɛ Farafinna ka ɲɛtaa kama, n’u ka fasokanu, miiriya ɲuman, an’u ka yɛrɛdi ye.
Bi ka kan ka kɛ fana miiridon ye an bɛ fa walasa ka siraw sɔrɔ, sira minnu b’a to an bɛ fura sɔrɔ gɛlɛya dɔw la i n’a fɔ kalanko, kɛnɛyako, jiko ani baarakogɛlɛya an ka jamanaw kɔnɔ.
Ɲinɛnta kunba fasokan kan o ye : KALAN, BƐƐ HAMINANKO FƆLƆ FARAFINNA
Kalan ye jamana bɛɛ ɲɛtaa sinsinbere ye. Jamanaɲɛmɔgɔw ye caman kɛ kalanko sira fɛ k’a ta lakɔlisojɔw la fɔ ka se lakɔlikaramɔgɔwtali ma. Nka o n’a ta bɛɛ, Demisɛn caman de bɛ yen alias, minnu tɛ taa lakɔli la janko togodaw la. O la, olu bɛ to kunfinya la.
O kama, an ka kan ka sisan, kalanko ka kɛ an bɛɛ haminanko ye ka taa a fɛ walasa bɛɛ k’I jija I ta fanfɛ, ka miiriyaw sɔrɔ ani ka kow kɛ minnu b’a to farafinna demisɛn bɛɛ bɛ taa lakɔli la. Caman kɛra, nka caman bɛ yen alisa minnu ka kan ka kɛ bawo demisɛnnin taataw hakɛ lakɔli la o ka dɔgɔ alisa demisɛnnin donta hakɛ ma lakɔli la an ka jamana dɔw la.
An tɛ dan denw bilali ma ka taa lakɔli la, nka an b’a janto u la fana k’u ka kalan kɔlɔsi walasa u na kɛ mɔgɔkalannenbaw ni dɔnnibaabaw ye minnu bɛ se ka ɲɛtaako gɛlɛya wili ka bɔ Farafinna kan sinin.
O kama, jɔyɔrɔba bɛ an kelen kelen bɛɛ la bawo ɲɔgɔndafa de bɛ du ni bɔlɔnkɔnɔna ani lakɔli cɛ. O la, nin fan in bɛɛ ka kan k’i jɔyɔrɔ fa walasa ka demisɛnninw ka kalanko sabati.
O sira fɛ, bangebaw ka kan k’u wasadon denw ka lamɔ na du kɔnɔ ani dugu kɔnɔ ani k’u ka kalan cogoya jateminɛ don o don. Den diyanye kama, bangebaa bɛ se ka fɛn bɛɛ k’a ye, nka bangebaa tɛ se habada ka den bila ka sɛbɛnni kɛ ka sɔrɔ a m’o kalan.
O kama, lakɔliden ka kan k’a dɔn ko a ka kɛta ka ɲɛsin a yɛrɛ ma, ka ɲɛsin a bangebaw ma ani ka ɲɛsin jamana ma, o de ye ka baara kɛ, ka kalan kɛ a seko bɛɛ la lakɔli la.
Lakɔlikaramɔgɔ, o min ka baara ye demisɛn kalan ye, o ka kan k’a bila o kunna waati bɛ ko a jɔyɔrɔ ka bon den ka diɲɛlatigɛ la, o la, ani jamana ni Farafinna ka ɲɛtaa. O miiriyaw n’o kɛtaw bɛɛ faralen ɲɔgɔn kan, o bɛ kɛ sababu ye an ka parajan kɛ ɲɛtaa la kalanko hukumu kɔnɔ Farafinna.

Advertisements

Laisser un commentaire

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l'aide de votre compte WordPress.com. Déconnexion / Changer )

Image Twitter

Vous commentez à l'aide de votre compte Twitter. Déconnexion / Changer )

Photo Facebook

Vous commentez à l'aide de votre compte Facebook. Déconnexion / Changer )

Photo Google+

Vous commentez à l'aide de votre compte Google+. Déconnexion / Changer )

Connexion à %s