Diɲɛ ntolatanba, o ye sɔrɔ yiriwasira dɔ ye telelabɛnnaw bolo


untitled
untitled

Diɲɛ ntolatanba hukumu kɔnɔ, kiliyanw kɛra ka telelabɛnnaw kunfa. Dɔw bɛ fɛ k’u ka telew labɛn, dɔw bɛ ka tele kɔrɔw santa ɲini.
Solomani Sakɔ n’a baarakɛɲɔgɔn, n’olu ye telelabɛnnaw ye Korofina, sigida fɔlɔ la, Bamakɔ, Mali la, olu ye dɔ fɔ o ko kan :
« A ka ca ni kalo 3 ye, an kunfara kiliyanw fɛ, wa bɛɛ bɛ fɛ i ka tele ka labɛn sisan bawo mɔgɔ si de t’a fɛ ka nin koba in jɛ min bɛnna daminɛ tile damadɔ kɔnɔ. An bɛ k’an seko bɛɛ kɛ walasa ka kiliyan bɛɛ nimisi wasa, nka o bɛɛ n’a ta, an dalen t’a la k’a fɔ ko nin tele ninnu bɛɛ bɛna se ka labɛn ka bɛn ntolatan daminɛ ma bawo tele caman bɛ yan an ma maga minnu na fɔlɔ. Dɔw y’a to fɔ waati ka surunya ka sɔrɔ ka na n’u ka telew ye, o de kɛra kɛ ko gɛlɛya sababu ye. Nin senfɛ, n’ba fɔ kiliyanw ye ko nin ko suguw senfɛ, u ka kan ka labɛn bɛ sabati joona yanni a don ka surunya. O de kaɲin ka tɛmɛ i k’a to don ka se ka sɔrɔ kana n’i ka dilalifɛn ye, bawo a ka ca a la a tɛna se ka labɛn ka bɛn a don ma.
Tele labɛnta cayara yan fɔ an y’a ŋaniɲa ko an tɛna dɔwɛrɛ minɛ tugun walasa an kana na kiliyanw jigilatigɛ.
O cogo kelen na, tile kuuru, mɔgɔw bɛ na tele kɔrɔw santa ɲini an fɛ yan. O bɛɛ kun ye ka se ka nin ntolatanba in lajɛ, min bɛ Farafinna kun kan kosɛbɛ nin sen in na.
A kɛra cogo o cogo, an bɛna an seko bɛɛ kɛ walasa ka kiliyan bɛɛ nimisi wasa »

Publicités

Une réflexion au sujet de « Diɲɛ ntolatanba, o ye sɔrɔ yiriwasira dɔ ye telelabɛnnaw bolo »

Laisser un commentaire

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l'aide de votre compte WordPress.com. Déconnexion / Changer )

Image Twitter

Vous commentez à l'aide de votre compte Twitter. Déconnexion / Changer )

Photo Facebook

Vous commentez à l'aide de votre compte Facebook. Déconnexion / Changer )

Photo Google+

Vous commentez à l'aide de votre compte Google+. Déconnexion / Changer )

Connexion à %s