Ka sira surunya lakɔlidenw bolo, minnu ka dugu yɔrɔ ka jan lakɔliso la


Mali lakɔliɲɛmɔgɔw ka cɛsiri n’a ta bɛɛ lakɔlisokow la, dugu caman bɛ yen minnu yɔrɔ ka jan lakɔlisow la.
Togodala lakɔlidenw bɛ sirajan taama tile kɔrɔ ka taa lakɔli la. O yɔrɔjan taama in togodala demisɛnw fɛ ka taa lakɔlisow la, o senba bɛ kalan labanbaliya la an ka togodaw la. A niyɔrɔba bɛ kalanyɔrɔla taabaliya, kalan bilali, kalan marafabaliya, ani kalanden minnu bɛ kalan laban olu dɔgɔyali, a niyɔrɔba b’o bɛɛ la.
Dabaliw ka kan ka tigɛ walasa ka sira surunya demisɛnw bolo ka taa kalanyɔrɔ la. O sira fɛ, FONDATION GLOBALE-PLAY ye misalidi kɛ an bɛ se k’an sinsin min kan k’o ɲɔgɔnnaw k’an ka duguw la.
Gafe bulon kɔfɛ, Kalanko, Balikukalan ani Fasokanw Minisiri n’a ka jama ye min kurunbokari sibiridon zuluyɛkalo tite 26 Benɛna, Tomiɲan mara la, FONDATION GLOBALE-PLAY ye nɛgɛso caman di Minisiri ma ka di Benɛna lakɔliso ma. Nɛgɛso ninnu bɛ di lakɔlidenw ma minnu ka duguw yɔrɔ ka jan lakɔliso la walasa ka sira surunya u bolo ka taa lakɔli la. Nɛgɛsow mana di minnu ma, n’olu tilala kalan na Benɛna, u bɛ nɛgɛsow lasegin lakɔso ma, u bɛ bila u kɔfɛ mɔgɔw ɲɛ.
O ye hakilina ɲuman ye min bɛna kɛ fura ye sebaliya la joona kalanyɔrɔ la, kalancoololi, kalan bilali ani kalan marafabaliya la an ka togodaw la. A na kɛ sababu ye, demisɛn minnu bɛ kalan laban, ka dɔ fara olu kan.
N hakili la, nin ye hakilina ɲuman ye an bɛ se k’a ladege ka min kɛ an ka duguw la. A kɔrɔ tɛ ka nɛgɛso caman san ɲɔgɔn fɛ siɲɛ kelen ye, nka, ka walew bila senkan, cogo min na, a ko bɛ se ka sabati donjanw na.
Bangebaw bɛ se ka to ka warinin dɔw fara ɲɔgɔn kan fɔ ka se nɛgɛ damadɔ sɔngɔ ma don dɔ, ali n’a kɛra nɛgɛso kɔrɔw ye.
Waribonnin minnu bɛ an ka duguw kɔnɔ, forobajuru dɔ bɛ se ka ta olu la ka nɛgɛsow san ka di demisɛnw ma u ka ta kalanyɔrɔ la. Dugu bɛ jɛ k’o forobajuru sara n’u ka forobabaaraw tɔnɔ ye ani dugu tɔn ka baara tɔnɔw.
Don nataw la, o wale ninnu bɛ se ka dɛmɛ mɔgɔw ŋaniɲa ɲumanw, jɛkuluw ani dɛmɛjɛkuluw fɛ walasa ka sira surunya demisɛnw bolo ani bɛɛ ka se ka kalan.
Hakilina jira don.

Ka sira surunya lakɔlidenw bolo, minnu ka dugu yɔrɔ ka jan lakɔliso la

Publicités

3 réflexions au sujet de « Ka sira surunya lakɔlidenw bolo, minnu ka dugu yɔrɔ ka jan lakɔliso la »

  1. Cette FONDATION GLOBALE PLAY merite d’etre feliciter par son acte de generosite a l’egard des population de Benena. Comme le dis un ladage Bamanan « L’Acte vaut mieux que la parole ». merci a la fondation. Je demande a mes cousin Bobo de prendre soin de ces velots. je suis convaincu que mes cousin Bobo seront a la hauteur des attentes.

  2. Ping : Les informations depuis les villages maliens » Vont-ils tous finir les études, ces élèves au village?

Laisser un commentaire

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l'aide de votre compte WordPress.com. Déconnexion / Changer )

Image Twitter

Vous commentez à l'aide de votre compte Twitter. Déconnexion / Changer )

Photo Facebook

Vous commentez à l'aide de votre compte Facebook. Déconnexion / Changer )

Photo Google+

Vous commentez à l'aide de votre compte Google+. Déconnexion / Changer )

Connexion à %s