Sanba dɔ ni fiɲɛba dɔ ye Masinakaw si u ɲɛ na karidon sufɛ


Nin ye Macina pɔri ja ye yanni Sanjiba in ka kɛ. Ja in tara C. Hugues fɛ, ja in bɛ licence Créative Commons ka sariyaw kɔnɔ.
A bɛ se ka C. Hugues ka ja tɔw lajɛ yan flickr kan.

Karidon sufɛ, zuluyɛnkalo tile 27 san 2010, Masinakaw ma sunɔgɔ ka ɲɛ k’a sababu kɛ sanba dɔ ni fiɲɛba dɔ ye. Masina ye Mali marabolo ye min ni Segu cɛ ye kilomɛtɛrɛ 105 ye, ani Bamakɔ cɛ ye kilomɛtɛrɛ 345 ye.
Kunnafoni minɛna Batɔma na, kow kɛra o min ɲɛ na Masina yen. O kɔfɛ, seere caman ɲininkalen telefɔni na, olu bɛɛ y’a sɛmɛntiya ko :
« Karidon su, zuluyekalo tile 27 san 2010, a kɛra Masinaka caman ɲɛna ko an bɛ ka taa diɲɛwili ye k’a sababu kɛ samba dɔ ni fiɲɛba dɔ ye min taara ni fɛn caman ye. Du kuturuw tɔliw wilila, jiribaw giliw bɔnna, sow benna, jila kurun cilen yera fɔ yɔrɔjan fiɲɛ, fɛn girinman caman bɔra u nɔna fiɲɛ in bonya kojugu fɛ. Masina ye malo sɛnɛyɔrɔba ye. Kamalennin fila minnu si bɛ se san 17 ani san 27 ɲɔgɔnna ma, n’olu tun bɛ k’u ka duw ka maloforow kɔlɔsi, fiɲɛ taara n’olu ye fɔ yɔrɔjan. U yera, nka u banana ».
Sanba dɔ ni fiɲɛba dɔ ye Masinakaw si u ɲɛ na karidon sufɛ

Publicités

3 réflexions au sujet de « Sanba dɔ ni fiɲɛba dɔ ye Masinakaw si u ɲɛ na karidon sufɛ »

  1. « Karidon su, zuluyekalo tile 27 san 2010, a kɛra Masinaka caman ɲɛna ko ……..
    Ne bɛ miri ko, juluyekalo ma tile 27 sɔrɔ fɔlɔ. Taridi?
    N’o tɛ, fili bɛ se ka latilen.

  2. Zaki, i ni sɔgɔma.
    N y’i ka hakilina sɔrɔ nin kunnafoni in kan, o diyara n ye kosɛbɛ. I ye min fɔ, o ye tiɲɛ ye, fili don. Nka, a bɛ se ka latilen.
    N bɛ fɛ k’a dɔn i bɛ bɔ yɔrɔ min ani i sigilen bɛ yɔrɔmin na.
    N b’a ɲini i fɛ i ka cikan bila n ma yan: konate20032001atyahoo.fr walasa an ka baro dɔɔni.
    I ni ce, k’an bɛn.

Laisser un commentaire

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l'aide de votre compte WordPress.com. Déconnexion / Changer )

Image Twitter

Vous commentez à l'aide de votre compte Twitter. Déconnexion / Changer )

Photo Facebook

Vous commentez à l'aide de votre compte Facebook. Déconnexion / Changer )

Photo Google+

Vous commentez à l'aide de votre compte Google+. Déconnexion / Changer )

Connexion à %s