Baliku kalanden dɔ ka seereya balikukalan nafa kan togodaw la


An ka Mali togodaw la, mɔgɔ caman garijɛgɛ man di lakɔliladon na, nka, u b’u mago caman ɲɛnabɔ ni balikukalan ye. Amadu, n’o bɛ wele ko Karamɔgɔ, o y’o tanbakiya bɔ an na, n’a ka nin seereya kumaw ye.
Amadu ye sɛnɛkɛla ye Zezana-Gara kimini na. A ma don lakɔli la, nka a bɛ se ka kalanjɛ, sɛbɛnni ani jate kɛ bamanankan na, wa o kɛra nafaba y’a ma a ka diɲɛlatigɛ la telefɔni ko ni tunkafɛtaa siratigɛ la.
A b’a ɲɛ fɔ an ye :
untitled « Anw tɛ se ka balikukalan nafa fɔ ka ban an fɛ yan. Anw garijɛgɛ ma diya lakɔliladon na, nka, an bɛ se k’an yɛrɛ tulomagɛn n’an ka dɔnta ye balikukalan sira kan.
Ne ye kalo fila kɛ balikukalan na bamanankan na san 1991. An ye kalanjɛ, sɛbɛnni ani jate kalan. Tiɲɛ yɛrɛ la, o ye nafa caman ɲɛ ne ye diɲɛlatigɛ la. Ni ne tɛ fɛ ka ɲinɛ fɛn o fɛn kɔ, n b’o sɛbɛn ka bila, wa a ye jate nɔgɔya n bolo kosɛbɛ.
O waati, telefɔniko tun tɛ yen. Bi, telefɔni bɛ fan bɛɛ, nka mɔgɔ dɔw bɛ yen, u diyagoyalen don ka gɛrɛ mɔgɔ wɛrɛw la, walasa k’u ka mɔgɔ weletaw tɔgɔ ɲini u ye walima ka mɔgɔw tɔgɔ don u ka telefɔni kɔnɔ. Ne tɛ o mɔgɔw la, bawo, k’a sababu kɛ » balikukalan ye, ne bɛ n ka mɔgɔ weleta bɛɛ tɔgɔw n’u ka nimoro sɛbɛn n yɛrɛ ye n ka telefɔni kɔnɔ bamanankan na. Ni n mago bɛ mɔgɔ min na, n tɛ gɛlɛya foyi sɔrɔ bawo, n bɛ se k’a tigi tɔgɔ ɲini n ka telefɔni kɔnɔ k’a wele. Wa n b’o jɔyɔrɔ fa mɔgɔ caman fana ye yan.
Ni mɔgɔ ye n ɲininka mɔgɔ wɛrɛ ka nimoro la, n b’o nimoro bɔ k’o f’o tigi ye. N b’o bɛɛ kɛ bamanankan na, ali jatedenw, n b’o bɛɛ fɔ bamanankan na.
O cogo kelen na, ni n taara tunka fɛ Abijan, gɛlɛya foyi tɛ n ni kiliyanw cɛ magazin kɔnɔ. N bɛ kiliyan bɛɛ tɔgɔ sɛbɛn a ka bɔrɛ kan. O bɛ kɛ sababu ye n kana bɔrɛw ɲagami walima minɛn dɔ kana tunun. N’a sɔrɔla ne tun ma kalan foyi kɛ, n tun mago bɛ jɔ mɔgɔ wɛrɛw la waati bɛɛ ka nin baara ninnu kɛ. »

Publicités

5 réflexions au sujet de « Baliku kalanden dɔ ka seereya balikukalan nafa kan togodaw la »

  1. Ismail, i ni sogoma; i ka kènè?
    N’i bè fè ka balikukalan kè, o ka nogo kosèbè.
    I bè ka i adèrèsi elèkitoroniki di ne ma, ne bè i kalan èntèrinèti ka yorojan fè. I b’a faamu kosèbè fana.
    I ni ce

Laisser un commentaire

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l'aide de votre compte WordPress.com. Déconnexion / Changer )

Image Twitter

Vous commentez à l'aide de votre compte Twitter. Déconnexion / Changer )

Photo Facebook

Vous commentez à l'aide de votre compte Facebook. Déconnexion / Changer )

Photo Google+

Vous commentez à l'aide de votre compte Google+. Déconnexion / Changer )

Connexion à %s