Kalanko, Balikukalan ni Fasokanw Minisiri ka dantigɛli, Balikukalan tɔgɔladon seli hukumu kɔnɔ


untitledArabadon, sɛtanburukalo tile 8, o tun ye balikukalan tɔgɔladon ye diɲɛ kɔnɔ. O seli daminɛni kurunbokarilen kɔ Yelimane, Kayi mara la Karamɔgɔ Saliku Sanɔgɔ fɛ, n’o ye Kalanko, Balikukalan ni Fasokanw Minisiri ye, kow tɔ kuncɛra sɛtanburukalo tile 8 santiri de kɔnferansi la Bamako.
O senfɛ, Minisiri Saliku Sanɔgɔ ye dantigɛli kɛ nazarakan na, nka a ye dantigɛli in kunbaba dɔw fana lase bamanankan na walasa bɛɛ bɛ se ka dɔ tɔmɔ a ko la.

N balimaw;
Cɛ ni muso;
Denmisɛn ni makɔrɔ ;
N ka foli bɛ aw bɛɛ ye. An sira hɛrɛ la, Ala ka tile hɛrɛ d’an bɛɛ ma.
N ka foli kɛrɛnkɛrɛnnen bɛ Muso, Den ani Denbaya yiriwali Minisiri mus oye, n jɛɲɔgɔn Sira Danba. Ale min cɛ sirilen bɛ tuma bɛɛ musow ni demisɛnw ka ɲɛtaa ɲinini na;
N ka foli bɛ Bamakɔ mara ɲɛmɔgɔ ye;
N ka foli bɛ Bamakɔ mɛri ye;
An dɛmɛbagaw, n ka foli bɛ aw bɛɛ ye.
Balikukalandenw, n ka foli bɛ aw ye,
Mɔgɔ o mɔgɔ nana an ka wele jaabi, an ka foli bɛ i ye.
Bidon ye donba ye. San kalo kɔnɔntɔnnan tile segin, o ye Balikukalan tɔgɔla don ye diɲɛ fan tan ni naani bɛɛ la.
Nin don in seli kɛli ɲinan an fɛ yan Mali kɔnɔ, o ni an ka yɛrɛmahɔrɔnya tali san biduurunan seli bɛ bɛn. O ye fɛn ye, min b’a jagoya an ma an k’an kɔ filɛ san biduuru tɛmɛnen baarakɛlenw na k’a fɔ ko baara caman kɛra. Nka alisa, baara kɛta tɔ ka ca. An k’an cɛsiri alisa: ka sɛnɛkɛlaw, baganmaralaw, mɔnikɛlaw, bolola baarakɛlaw bɛɛ kalan, u ka se ka nafa sɔrɔ u ka baaraw la.
An y’a jira fana k’a fɔ, ko an ka famaw, cakɛda kuntigiw, minisirisow baarakɛlaw, depitew, kɔnseyew, mɛriw ani mɔgɔ o mɔgɔ min kalannen don nazarakan walima arabukan na, u bɛɛ ka wili ka balikukalan kɛ an ka kanw na.
N’an taara an ka kiritɛsow kɔnɔ, an ka se ka faamuyali sɔrɔ an ka kanw na.
N’an bɛ taama an ka jamana kɔnɔ, an ka duguw tɔgɔw sɛbɛnnen ye an ka kanw na, an ka se k’u kalan.
A ka kan fana an ka dɔnkilidalaw ka se ka dɔnkili sɛbɛn an ka kanw na, sɛnɛkɛlaw; mɔnikɛlaw, baganmaralaw, bololabaarakɛlaw, jagokɛlaw, gadonmusow, … bɛɛ ka se k’I ka baara kɛ an ka kanw na, ka batakiw ci ɲɔgɔn ma, ka gafew sɛbɛn an ka kanw na.
N bɛ bɛɛ fo: an dɛmɛbagaw, tɔn minnu cɛsirilen bɛ balikukalan yiriwali n’a sinsinni na.
Aw bɛɛ ni ce n lamɛnni na.

Publicités

Une réflexion au sujet de « Kalanko, Balikukalan ni Fasokanw Minisiri ka dantigɛli, Balikukalan tɔgɔladon seli hukumu kɔnɔ »

Laisser un commentaire

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l'aide de votre compte WordPress.com. Déconnexion / Changer )

Image Twitter

Vous commentez à l'aide de votre compte Twitter. Déconnexion / Changer )

Photo Facebook

Vous commentez à l'aide de votre compte Facebook. Déconnexion / Changer )

Photo Google+

Vous commentez à l'aide de votre compte Google+. Déconnexion / Changer )

Connexion à %s