Dugu sɔrɔ man di telefɔni na nin waati in na


untitled Telefɔni yaalata bɛ sɔrɔ Mali dugu caman kɔnɔ sisan. Ali ni telefɔni bɛ mɔgɔkɔrɔba dɔw bolo, a ka ca demisɛnw de bolo kosɛbɛ, a kolokɛnɛya bɛ olu minnu na ka taa téléfɔni di mɔgɔw ma duw kɔnɔ telefɔni tɛ minnu bolo ni wele kɛra ka bɔ dugubaw kɔnɔ walima jamana kɔkan. U magow ni dugumɔgɔ tɔw mago kama, u b’u wasa don u ka telefɔniw na kosɛbɛ, k’u sariziye waati bɛɛ walasa weleli kana tɛmɛ mɔgɔ dɔ kan dugu kɔnɔ. O bɛɛ bɛ ka ɲagami sisan k’a sababu kɛ demisɛnw ka tunkafɛtaa ye nin waati in na.

Dugu caman demisɛnw taara dugubaw ni jamanaw wɛrɛw kɔnɔ n’u ka telefɔniw ye sisan, o ye kɛra gɛlɛya ye dugumɔgɔw sɔrɔli la telefɔni na.

O ye Amadu ta ye, n’o bɛ wele ko Karamɔkɔ. Karamɔkɔ ye dugu telefɔnitigw dɔ ye Bamusobugu, Segu mara la. Bamusobugu ka minnu sigilen bɛ dugubaw kɔnɔ ani jamana wɛrɛw la, Karamɔkɔ b’olu bɛɛ sago la walasa k’u somɔgɔw sɔrɔli nɔgɔya u bolo telefɔni na n’u mago b’u la. karamɔkɔ ka telefɔni tɛ faa fiyɛwu, wa a bɛ weleko caman kɛ tile kɔnɔ walasa a ka taa telefɔni di du wɛrɛw kɔnɔ.
Karamɔkɔ ye jamanakɔnɔtaminɛn ta, ka taa kalo damadɔ kɛ Konowari. O kama, Bamusobogokaw sɔrɔ man di telefɔni na sisan. Ka Karamɔkɔ to dugu la, mɔgɔw tun sɔrɔ ka di, nka karamɔkɔ talen, n’i ye weleli kɛ telefɔni dɔ la, ni mɔgɔ m’a ta walima ni kɔfɛcikanlaselan kuma n’i fɛ, o tɛ bala i la.
Telefɔni bɛ cɛkɔrɔba minnu bolo dugu kɔnɔ, n’i y’a lajɛ k’olu wele, telefɔni bɛ kule kule siɲɛ caman fɔ ka taa kɔfɛcikanlaselan kan walima i bɛ sin k’a mɛn ten : « I bɛ karisa ka kɔfɛcikanlaselan kan, i bɛ se k’i ka cikan bila ni tamasiɲɛ kɛra », bawo telefɔni faalen don ka d’a kan a ma sariziye.
Nin ko in bɛ Mali dugu caman kɔnɔ nin tilema in na fɔ ka se demisɛnw seginni ma sɔmiɲɛbaaraw kama.

Proposition de nouveau mot : kɔfɛcilaselan = répondeur

Publicités

3 réflexions au sujet de « Dugu sɔrɔ man di telefɔni na nin waati in na »

  1. Je n’avais jamais entendu parler de ce problème de portable. C’est une très bonne idée que de l’avoir souligné dans cet article.

Laisser un commentaire

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l'aide de votre compte WordPress.com. Déconnexion / Changer )

Image Twitter

Vous commentez à l'aide de votre compte Twitter. Déconnexion / Changer )

Photo Facebook

Vous commentez à l'aide de votre compte Facebook. Déconnexion / Changer )

Photo Google+

Vous commentez à l'aide de votre compte Google+. Déconnexion / Changer )

Connexion à %s