Yiriwa kuntalajan hakilinaw togodaw la


N ka taamaw senfɛ Mali duguw la, n tɛ sɛgɛn demisɛnw lafaamuyali la waati matarafali cogoyaw kan. N’i y’an ka togodala demisɛnninw ka baara cɔrilen waati jate minɛ, minnu ma taa jamanakɔnɔtaa la, i b’a ye ka fɔ ko san kalo tan ni fila kɔnɔ, u bɛ kalo saba, naani walima duru baara kɛ. O baara ninnu bɛ ɲɛsin sɔmiɲɛ baaraw ma ka bɔ danni na ka se sumaladonw ma. O waati kɔ fɛ, i bɛ demisɛnw sigilen ye temin na gaw kɔrɔ, bulonw kɔnɔ ani jiribaw suma na duguw kɔnɔ, ka diɲɛ kobaw barow kɛ.
untitledKalo saba, naani walima duuru, k’o bɛɛ k’i sigi i tɛ baara kɛ, o ye tiɲɛniba de ye kalo 12 kɔnɔ, w’a sen bɛ faso seginkɔ la.! « Mɔgɔ tɛ foyi sɔrɔ n’i ma sɛgɛn », an ka kan k’o de bila an hakili la waati bɛ, wa, Cɛmɔgɔwɛrɛ kamalenni dɔw y’o de faamu ka sɔrɔ k’u baganbalokafeere k’u ka sɔrɔyiriwasira dɔ ye. Cɛmɔgɔwɛrɛ ye dugu ye min bɛ Zezana Gara komini na, Segu mara la. O kamalenni ninnu m’a miiri ka misibaara ye filaw dama ta ye, u y’a ɲini k’u diɲɛlatigɛ yiriwali ɲɛɲini ni misi pasan sanni ye k’u balo k’u feere. O ye ka misiw san k’u balo ni bin, ɲɔbu, kɔkɔ ani kɔrikolo ye u bɛ min san. Kalo damadɔ kɔnɔ, o misi pasan ninnu bɛ bonya ka fa. O ye wale ye min bɛ sɔrɔ lase o kamalenni ninnu ma kosɛbɛ, wa u y’o fisaya jamanakɔnɔtaa yɛrɛ ye.
untitledBakari Yuba Kulubaly fana ye hakilina ɲuman sɔrɔ o sira kelen fɛ. A ka tubabubaara kɔ fɛ, a bɛ sagaw san, k’u siri, k’u balo ka sɔrɔ k’u feere n’u fara kosɛbɛ. I n’a fɔ a bɛ se k’a ye ja la cogo min na, saga dɔw bɛ Bakari Yuba bolo sisan, minnu bɛnna wari lase a ma sɔɔni. A ma dan o ma, Bakari Yuba ye nakɔsɛnɛ fana fara a bolodala, walasa ka dɔ ta du nasɔngɔko musakaw la. A y’a miiri ko kɔlɔn min bɛ du kɔnɔ, ani kɛnɛnin dɔ du kɛrɛfɛlanin dɔ la, a bɛ se k’a yɛrɛ dɛmɛ don o don waribɔta la ni nakɔnin dɔ dali ye. O bagan ninnu n’o nakɔ in ladonni na, bakari Yuba somɔgɔ bɛɛ b’a dɛmɛ o hakilina ninnu na ka ɲɛsin di yiriwali ma. A yɛrɛ, a muso, a denw, bɛɛ b’i seko kɛ o ko la.

O hakilina ninnu bɛ se ka kɛ tamasiyɛn ye walasa ka fantanya kɛlɛ ka bɔ dugu kɔnɔ!

Publicités

Laisser un commentaire

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l'aide de votre compte WordPress.com. Déconnexion / Changer )

Image Twitter

Vous commentez à l'aide de votre compte Twitter. Déconnexion / Changer )

Photo Facebook

Vous commentez à l'aide de votre compte Facebook. Déconnexion / Changer )

Photo Google+

Vous commentez à l'aide de votre compte Google+. Déconnexion / Changer )

Connexion à %s