Nin ye kunnafoni ye kolotugula dɔ kan Samankɔ, Mali la


Togoda ko dɔw nafa n’u jɔyɔrɔ bonya kama sigida la, u ka kan ka dɔn, k’u don ba la. N bɛ na ni farafinfurakɛla min ka kunnafoniw di aw ma, n y’a mɛ dama tɛ, n yɛrɛ sera ye ka taa a lajɛ ka baro kɛ a tigi fɛ
Burama Jar aye farafinfurakɛla ye Samankɔ, n’o ye dugu ye min ni Bamakɔ cɛ ye kilomɛtɛrɛ 6 ye. A bɛ kolokari suguya bɛɛ tugu, ka mugu suguya bɛɛ fura kɛ.

« Worokari, bolokari, kɔkolo bɔlen a nɔ na, n bo bɛɛ fura kɛ. N bɛ muguw fana fura kɛ », Burama y’o ɲɛfɔ ni nisɔndiya ni danaya ye a ka baara la sigida la.

« N bɛ tubabu baara la, n bɛ baara kɛ don o don ka bɔ ntɛnɛ na ka se juma ma. Ni n jiginna, n bɛ se ka banabagatɔ 40 walima 50 bisimila wula o wula. Don baarabaliw la, n bɛ se ka banabagatɔ 500 bisimila. Nin baara in ni n ka tubabubaara tɛ sira la. Mɔgɔ bɛ bɔ fan bɛɛ ka na : jamana kɔnɔ ani jamana kɔkan. O dɔ yen in cɛkɔrɔba in ye min n’a muso bɔra Konowari ka na », , Burama y’o fɔ an ye.

« N ni n ka parantiw, an b’a wasa don banabagatɔ ninnu ka furakɛli la. Minnu ta man jugu kosɛbɛ, olu bɛ se ka taakasegin kɛ, nka, minnu ta ka jugu, an b’olu bisimila duw kɔnɔ dugu kɔnɔ yan. Sɔgɔma o sɔgɔma, an bɛ s’u ma u ka sow kɔnɔ k’u ka furakɛliw kɛ », Burama y’o ɲɛfɔ an ye.
« I n’a fɔ i b’a dɔn cogo min na, an ka farafinna dɔnnin caman bɛ ye, o bɛ bɔ fakunda ka di denkunda, wa laada caman b’u la minnu ka kan ka labato waati bɛɛ. Nin baara in laada belebele dɔ ye furakɛli ye fu la. O kɔrɔ ye ko sara tɛ nin furakɛli in na. O fɔlen bɛ k’o gɛlɛya nin baaara in na kosɛbɛ, wa o ka kan ka labato. », an y’o minɛ ka bɔ Burama la.

« Banabagatɔ bɛ wari min bɔ, o ye tulu sɔngɔ ye ka bɔ 20 na ka 40 ma. Ni bana furakɛra, ni min y’u diya, u bɛ se k’o di u yɛrɛ ma, I n’a fɔ u bɛ se ka taa ka sɔrɔ u ŋa fɛn di. N’o tɛ, anw tɛ se ka sara f’u ye. Ne ye baara in sɔrɔ o cogo la, ne tɛ se k’o yɛlɛma, wa minnu bɛ furakɛli in kalan ne fɛ, olu ka kan k’a kɛ ten n’o tɛ a tɛ mago ɲɛ », Burama ko ten fana.

« Ɔwɔ, an bɛ se ka gɛlɛya damadɔ fɔ baara in na bi. N’o fɔra, dɔ bɛna a fɔ ko ni an tɛ fɛn sɔrɔ a la, ni gɛlɛya bɛn an ka, mun na an tɛ a dabila! I yɛrɛ b’a dɔn, an ka sigida tun bɛ cogo la, dɔnnin dɔ tu n bɛ bɛɛ la, wa bɛɛ tun bɛ tɔ mago ɲɛ n’I ta ye. Ali ni o bɛ ka ban, a ma ban pewu ! I n’a fɔ an faw y’a kɛ cogo min, an fana ka kan k’an seko kɛ sigida ye. Fɔlɔ fɔlɔ, mɔgɔw bɛ ben ka bɔ jiriw ni baganw kan, yanni u ka taa dɔgɔtɔrɔso la, o bɛɛ tun bɛ furakɛ sigida la fu. Bɛɛ tun bɛ I seko bila tɔw sago la ».

« O ni bi tɛ kelen ye. Bi, akisidan bɛ mɔgɔ min kolo kari, o de ka ca. Nɛgɛso, moto, ani mɔbili cayara, mɔgɔw kɔrɔtɔlen don, akisidan ka ca. Banabagatɔ minnu bɛ na sisan, o ka ca ni anw faw ta ye. U bisimilaliyɔrɔko ka gɛlɛ. O bɛɛ kɔfɛ, an bɛ don dugu duw bɛɛ kɔnɔ ka taa banabagatɔw fura kɛ. O man nɔgɔ dɛ », Burama ko ten tugun !
« o yɛrɛ de y’a to an y’an miiri ko an bɛna yɔrɔdɔ ɲini, k’o jɔ ; k’o kɛ banabagatɔw jiginyɔrɔ ye. An miiri b’o kan, an bɛ k’o ɲɛ ɲini, ka wele bila ŋaniɲaɲuamantigiw ma walasa k’an dɛmɛ o baara la walasa ka baara nɔgɔya an bolo, ka banabagatɔw lafiya »
, Burama y’o wele da.

A tɔ bɛ na kɔfɛ ka ɲɛsin furakɛlen ka seereya ma.

Publicités

Laisser un commentaire

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l'aide de votre compte WordPress.com. Déconnexion / Changer )

Image Twitter

Vous commentez à l'aide de votre compte Twitter. Déconnexion / Changer )

Photo Facebook

Vous commentez à l'aide de votre compte Facebook. Déconnexion / Changer )

Photo Google+

Vous commentez à l'aide de votre compte Google+. Déconnexion / Changer )

Connexion à %s