Ɲamanw bɛ ka kuma Bamakɔ



Sanba min nana Bamakɔ dugutilama fɛ Bamako sura, o sen fɛ, ɲaman filifililenw fan bɛɛ fɛ Bamakɔ, olu farala ɲɔgɔn kan, ka na an sɔgɔma fo. Manaforokow, jimananinw, minfɛn buteliw, motɛritulu buteliw ani dɔ wɛrɛw, minnu filifilila fan bɛɛ fɛ dugu kɔnɔ, olu y’u kan to :

Ɲamanw bɛ ka kuma. An k’u lamɛn !

“An nana sɔgɔmada joona in na, ka na aw sɔgɔma fo. Aw kelen kelenna bɛɛ b’aw mago ɲɛ anw na, ka sɔrɔ k’an fili a ka di aw ye cogo min na, mango ɲɛnen kɔ. An fana ka fara ɲɔgɔn kan dugu kɔfɛ, k’an ka kow kɛ, o ka di an ye. Sura sanji sen fɛ, an sera ka fara ɲɔgɔn kan, ka n’aw fo, k’aw ɲininka walasa k’a dɔn n’aw bɛ fɛ an ka kɛ aw jɛɲɔgɔnw ye. N’o de ka di aw ye, o bɛ se ka kɛ, nka min ka fisa, o de ye ka jatigila ɲinin anw ye dugu kɔfɛ, k’an jeni yanni fiɲɛ walima sanji ka taa an sama ka na ni an ye aw fɛ yan dugu kɔnɔ tugun. Aw bɛ se fana ka cogoyaw ɲinin k’an bayɛlɛma ka kɛ minɛn wɛrɛw ye, aw bɛ se k’a magow ɲɛ ni minnu ye. O bɛɛ ka fisa an ka to aw sen kɔrɔ yan.

A kɛra cogo o cogo, anw ka mabɔ aw la, o de ka fisa bawo an fɛ jɛ da man di aw ka sigidaw ni aw ka kɛnɛya la. Fɛn o fɛn bɛ se ka kɛ aw ka banaw sababu ye, anw n’olu bɛɛ ye teri ye. Anw ni fɛnɲɛnɛma caman ka di. Sosow, dabi, ani mikɔrɔbuw, anw n’olu bɛɛ ka di. Olu dun bɛ sa kɛ ka degunbaw sababu ye aw ka kɛnɛya ma sigi la.

O la, anw nana a suda aw la. N’aw bɛ fɛ anw ka kɛ aw sigiɲɔgɔn ye, o tɛ basi ye anw ma, nka, aw ka d’a la ko aw tɛna lafiya fiyɛwu. »

Publicités

Laisser un commentaire

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l'aide de votre compte WordPress.com. Déconnexion / Changer )

Image Twitter

Vous commentez à l'aide de votre compte Twitter. Déconnexion / Changer )

Photo Facebook

Vous commentez à l'aide de votre compte Facebook. Déconnexion / Changer )

Photo Google+

Vous commentez à l'aide de votre compte Google+. Déconnexion / Changer )

Connexion à %s