Yiriwa kuntaalajan wale ɲumanw togodaw la


Sen in na, nin pano solɛri in kun tɛ ka telefɔni yaalataw batiriw lafa togodaw la,nka, ka musow nɔnabila kɔlɔnna jibɔba la u bolo la u ka nakɔbaaraw la.

Waati min na musow tun b’u sigi jirisumaw la ka baro kɛ k’u ka tiganinw wɔrɔ, an t’o tile la tungun. Bi, Mali dugu caman kɔnɔ, musojɛkuluw sigira walasa ka walew kɛ, wale minnu bɛ musow ka ɲɛnɛmaya diya don u la i n’a fɔ : jago misɛnninw, baganmaraw, baganbalokafeerew ani nakɔbaaraw…

O dɔ yen in ye Duna musow fɛ, n’o ye dugu ye banin da la, zezana Gara komini kɔnɔ, Segu mara la. Fantanya kɛlɛli hukulu kɔnɔ, yiriwakuntalajan dɛmɛjɛkulu dɔ ye Duna musow dɛmɛ ni nakɔ ye, nakɔ min ji bɛ bɔ kɔlɔnba dɔ kɔnɔ ni pano solɛri ye. Nin ye kokura ye min bɛna musow ka sɛgɛn nɔgɔua lakɔko sira fɛ. Musow tun bɛ ji sama u bolo la. O ye baara gɛlɛnba ye !

Bi, Duna musow tɛ ji sama u bolo la tugun, u bɛ ji ta baɛnw kɔnɔ, basɛn minnu sigilen bɛ nakɔ fan bɛɛ fɛ pilanziw kɛrɛfɛ. Pano solɛri b’a to kɔlɔn bɛ ji kɛ ka basɛnw bɛɛ fa. Basɛnw tugulen bɛ ɲɔgɔn na ni tiyow ye nakɔ kɔnɔ.

« N’i burannakaw ye misiw d’i ma k’i ka sɛnɛ kɛ, i yɛrɛ b’i seko k’a jira k’i bɛ se ka misi ninnu balo k’u ladon ka ɲɛ ». (Bamanankan zana). O de kama, Duna musow tɛ tulon kɛ nin nakɔ ko in na. Wa, jiriden caman bɛ sɔrɔ nakɔ in kɔnɔ : Supɔmɛw, tamatiw, kɛlɛkɛlɛw, manjew, kɔnkɔnburuw ani fɛn caman wɛrɛw.

Nin baara in bɛ kɛ sababu ye ka dɔ ta nako musakaw la dugu kɔnɔ, ka fantanya kɛlɛ, ka dɔ fara baloko ɲuman kan ani ka dugu yiriwa sɔrɔ sira fɛ ni nakɔ kɔnɔfɛnw feereli ye.

Advertisements

Laisser un commentaire

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l'aide de votre compte WordPress.com. Déconnexion / Changer )

Image Twitter

Vous commentez à l'aide de votre compte Twitter. Déconnexion / Changer )

Photo Facebook

Vous commentez à l'aide de votre compte Facebook. Déconnexion / Changer )

Photo Google+

Vous commentez à l'aide de votre compte Google+. Déconnexion / Changer )

Connexion à %s