Sama dɔ ye tiɲɛni kɛ Masina komini dugu dɔw kɔnɔ, Segou mala la


Sama tunuen dɔ ye Masina komini dugu dɔ donɲɔgɔnna. A tiɲɛni dɔw kɛ, ni yɛrɛ tora a ko la. Mɔgɔ fɔlɔ minnu ye n ladɔnniya ka bɔ Masina, n’o ni Segu cɛ ye kilomɛtɛrɛ 135 ye, o ka fɔ la, a bɛ tile damadɔ bɔ, sams ɲamafifalen dɔ bɛ yaala la o komini in dugu dɔw la, wa a ye Nɔnɔn Alimami faga, n’o ye dugu ye min ni Mɔninpe man jan kosɛbɛ. O yɔrɔ kelen na, walasa ka kunnafoni sɛgɛsɛgɛ, n ye Mɔninpe ka dɔ wele telefɔni na, n’o tɔgɔ ye Sedu. O y’a jira ko fɔlen ye tiɲɛ ye. O ka fɔ la, sama in bɛ taa dugu ni dugu, n’a sera dugu min na, a bɛ kɛ filɛlifɛnba y’o dugu mɔgɔw bolo. O de sen fɛ, Nɔnɔn Alimami, n’o tun bɛ fɛ ka sama in kusi dɔ tigɛ a mago kama, sama in y’o ɲɔni ka fili, k’o faga. Sedu y’a jira k’olu tun tagalen bɛ dɔgɔjɔ la o dugu in na, ko sama in ja bɛ telefɔni bɛɛ kɔnɔ o laminiw na ; bawo dugumɔgɔw y’a ja ta ni u ka telefɔniw ye.
Sedu y’a jira tugun k’o dama tɛ sama in ka tiɲɛni kɛlen ye. Sama in tɛmɛntɔ ye du dɔ forobajigiɲɛ kari Denko, ka ben k’o kɔnɔ suma dun. O dugu in fana man jan Nɔnɔn na.
O dugu kelen in kɔnɔ sɔgɔmada fɛ, sama in tɛmɛntɔ y’i jɔɔsi bɔgɔso dɔ la k’o kɛrɛ bin.
Alimami ka saya kɛlen kɔfɛ, Masi zandarama dɔw taara seereyaw ɲini dugu kɔnɔ Nɔnɔn. O dugujɛ, zandarama dɔw fana bɔra Bamakɔ ka taa a ko ɲɛɲini.

Publicités

Laisser un commentaire

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l'aide de votre compte WordPress.com. Déconnexion / Changer )

Image Twitter

Vous commentez à l'aide de votre compte Twitter. Déconnexion / Changer )

Photo Facebook

Vous commentez à l'aide de votre compte Facebook. Déconnexion / Changer )

Photo Google+

Vous commentez à l'aide de votre compte Google+. Déconnexion / Changer )

Connexion à %s