Foroba yelen dira Segu dugu fila ma



Alamisa su k’a dugujɛ juma na sɛtanburukalo tile 15 san 2011, foroba yelenw dira Sanogola ni Bamusobugu dugutigiw ma u ka duguw tɔgɔ la, Zezana Gara komini na, Segu mara la. O yelendi in kɛra ka sɔrɔ dundunw bɛ ka gɔrɔntɔ fan bɛɛ fɛ kɛnɛ kan.
kunnafoni min carinna togodaladuguw ka foroba caw kan, o kunnafoni bɛnna Foroba yelen poroze bilabagaw sen kan, olu hakilina ma. U y’a ɲini an ka ɲɔgɔn sɔrɔ ka kuma, o kɛra sababu yen in dugu fila ninnu ka nin foroba yelen ninnu sɔrɔ.

Mɔgɔ segin minnu nana ka bɔ Lɔnduru, n’olu ye poroze mɔgɔw ye, ka bɔ « Royal Collège kalansoba dɔ la, ani Italika dɔ, olu ni ne yɛrɛ jɛra ka baara kɛ Segu tile 15 kɔnɔ walasa Sanogolakaw ni Bamusobugukaw ka ni yelen ninnu sɔrɔ. Yelen ninnu potolaman don, u bɛ se ka janya, ka surunya, u bɛ se ka bɔ u nɔ na k’a sababu kɛ pinɛsen fila minnu b’u kɔrɔ ye. Philips ka anpulu ɲɛ dumanba min b’a la, o bɛ mana k’a sababu kɛ batiri ni pano ye. Ni minɛ ninnu bɛɛ faralen ɲɔgɔn kan, o nana kɛ sababu ye ka nɔgɔyaba don nin dugu ninnu ka ɲɛnajɛdonya yelenkow la : kɔɲɔn, denkundi, laadala ɲɛnajɛw.

Yelenko ma nɔgɔn togodaladuguw la ɲɛnajɛdonyaw fɛ. Walasa ka yelen sɔrɔ kɛnɛ kan, u bɛ gurupu, anpuluw, filiw ɲini sara la ka sɔrɔ ka taji san fana. Tuma dɔw la, olu yɛrɛ tɛ sɔn mana ma waati dɔw la.

Bi, Sanogola ni Bamusobugukaw dan ye k’u bolo digi butɔn kan poto la, walasa kɛnɛ fan bɛɛ ka kɛ yelen ye. Yelen nafa tɛ ɲɛnajɛkow dama ye, a jɔyɔrɔba fana bɛ duguw ka ɲɛtaa la sɔrɔ ni hadamadenya sabatili sira la. A bɛ se ka kɛ sababu ye ka dɔ fara dugu musow ni demisɛnw ka baara waati kan sufɛ, o fana bɛ dɔ fara sɔrɔ kan i n’a fɔ dugubaw kɔnɔ. Nin yelenko in ye dɛmɛba de ye togodalamɔgɔw ma sɔrɔ ni hadamadenya sabatili sira kan, min ka kan ka caya walasa dugu caman k’a sɔrɔ.

Publicités

Laisser un commentaire

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l'aide de votre compte WordPress.com. Déconnexion / Changer )

Image Twitter

Vous commentez à l'aide de votre compte Twitter. Déconnexion / Changer )

Photo Facebook

Vous commentez à l'aide de votre compte Facebook. Déconnexion / Changer )

Photo Google+

Vous commentez à l'aide de votre compte Google+. Déconnexion / Changer )

Connexion à %s