Google kɛra dɔnnin bulonba ye togodala lakɔliw la tile damadɔ kɔnɔ



Ɛntɛrinɛti jɔyɔrɔ bɛ ka bonya ka taa a fɛ diɲɛ taabolo caman na. Bi, Duguba kɔnɔ lakɔliden caman b’i wasa don a la walasa ka dɔ fara u ka dɔntaw kan sitiw kan, siti minnu n’u ka kalan ye kuntilena kelen ye. O sira kelen na, u bɛ ko caman ɲɛ sɔrɔ ɲinini sen fɛ Google kan. Togodaw tolen bɛ kɔ fɛ o ko la kosɛbɛ k’a sababu kɛ kurantanya ye.

Fura min bɛ yen walasa ka togodaw sen don Ɛntɛrinɛtiko la, o ye Ɛntɛrinɛti yaalata ye. Ɛntɛrinɛti yaalata ye ɔridinatɛri, kile Ɛntɛrinɛti, batiri ani pano faralen ye ɲɔgɔn ka. O bɛɛ lajɛlen ye minɛnw ye minnu b’a to togodala mɔgɔw bɛ se ka baara kɛ ni Ɛntɛrinɛti ye i ko dugubakɔnɔ mɔgɔw.


Ɛntɛrinɛti yaalata y’a jɔyɔrɔ jira togodala lakɔli dɔw la tile damadɔ kɔnɔ. A kɛra sababu ye Sekɔrɔ, Marakala, Kokiriboso, Masina, Jafarabe, Uro-Modi andi Moti lakɔliden dɔ ka se ka ko caman ɲɛ dɔn ɲinini sen fɛ Google kan, minnu kunfa tun b’u la. Lakɔliden fitinin tun b’a la, baaradege lakɔlidenw fana tun b’a la yɔrɔ dɔw la i n’a fɔ Masina.



Ɲɛfɔli caman kɔ fɛ Ɛntɛrinɛtiko la kunnafoniko, kumaɲɔgɔnyako ani kalanko sira fɛ, Google jirala Lakɔlidenw ni karamɔgɔw la, k’a barra cogo n’a nafa fɔ u ye. O kɔ fɛ, u ye ɲinini kɛ Google kan walasa ka ko caman ɲɛ sɔrɔ. Wa, Google ye ɲininkali bɛɛ jaabi ni nimisiwasa ye.

O kɛra nisɔndiyaba ye an ka kalanyɔrɔw kalandenw bolo janko ni Google tun ye u ka ɲininkali jaabi.

Nin senɲɛ fɔlɔ in kun tun ye k’a dɔn Ɛntɛrinɛti jɔyɔrɔ bɛ se ka kɛ min ye an ka togodaw la, janko kalanko sira kan. A sen fɛ, min yera, min mɛnna ani min kɛra, o bɛɛ b’a jira k’a fɔ Ɛntɛrinɛti jɔyɔrɔ ka bon an ka togodala kalansow la, bawo a bɛ se ka dɔnnin bulonba jɔyɔrɔ fa karamɔgɔw ni kalandenw ye.
O la, n ka laɲini ye, don nataw la, nin lakɔliso ninnu dɔw k’u tɔgɔla Ɛntɛrinɛti yaalata sɔrɔ.

Publicités

Une réflexion au sujet de « Google kɛra dɔnnin bulonba ye togodala lakɔliw la tile damadɔ kɔnɔ »

Laisser un commentaire

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l'aide de votre compte WordPress.com. Déconnexion / Changer )

Image Twitter

Vous commentez à l'aide de votre compte Twitter. Déconnexion / Changer )

Photo Facebook

Vous commentez à l'aide de votre compte Facebook. Déconnexion / Changer )

Photo Google+

Vous commentez à l'aide de votre compte Google+. Déconnexion / Changer )

Connexion à %s