Nin ye ɲɛgɛn dɔnbaa ŋana dɔ ye Masina



Ɛntɛrinɛti yaalata bilakunba dɔ ye sen kan, ka se togodaw ni dugubaw tugu ɲɔgɔn na kunnafoniko ni kumaɲɔgɔnya sira kan, walasa ka togodala mɔgɔw seko n’u dɔnko labɔ kɛnɛ kan, k’u jira diɲɛ na. Kow tɛ kɛ dugubaw dɔrɔn kɔnɔ, seko ni dɔnko tigila mɔgɔw sigilen tɛ dugubaw dɔrɔn kɔnɔ, dɔnkotigiw bɛ togodaw fana na i n’a fɔ n y’a jira n ka nin kunnafoni in kɔnɔ cogo min na ka kɔrɔ.

O dɔ ye nin lakɔliden in ta ye min bɛ kalanso 6 nan na Masina duguma lakɔliso dɔ la. Masina ni Segu cɛ ye Kilomètèrè 160 ye. Nin lakɔliden in b’a ka kalankɛ minɛnw san n’a sek oye ɲɛgɛn na. U ka dugula mɔgɔw mago b’a la kosɛbɛ ɲɛgɛnkow sira kan, janko minnu bɛ kɛ bitikidaw la ani pilakiw kan.
Nin y’o seereya dɔ ye bawo, a filɛ nin ye ka nin donsokɛ in ɲɛgɛn ɲɔgɔn kɛ ni biki ye karitɔn dɔ kan. Jain ye UNESCO ka poroze Nizɛri-Luwari ka ja dɔ ye walasa ka baji kɛrɛfɛ mɔgɔw ladɔnniya baji minɛko ɲuman na.

N ni kamalennin in ye baro kɛ kosɛbɛ bawo, k’a ye ko a si bɛ hakɛ min na, ko a ye nin ɲɛgɛn kɛ, o balala n na kosɛbɛ janko togodala demisɛnnin na. Baro sen fɛ, a y’a jira n na k’a fɔ ko ɲɛgɛn ka di a ye kosɛbɛ, ko a bɛ fɛ ka kɛ ɲɛgɛnkɛla ye a ka kalan laban na.
Ka n ni kamalennin to baro la, a bɛnkɛ gɛrɛla an na. A ko y’a jira k’a fɔ ko kabini cɛnin in fitinin, ɲɛgɛnkow ka di a ye. Sisan, a bɛ warimisɛnninw sɔrɔ o baara in na.
N y’a ɲini bɛnkɛ fɛ u k’u mago don a la kosɛbɛ, k’a dɛmɛ a ka kalan na, janko walasa a ka se ka kalan laban. U kana a to fɛn ka kɛ sababu ye k’a ka kalan tiɲɛ.

Publicités

Une réflexion au sujet de « Nin ye ɲɛgɛn dɔnbaa ŋana dɔ ye Masina »

  1. O ye tìɲɛ ye- « dɔnkotigiw bɛ togodaw fana na. » N cè ka baara be Faransi. A ye physicien ye (o b’a wele cogo di bamanankan na?) A ko farafinw caman te a ka baara yòrò la bawo mògòsi te laboratoire kècogo dege u la. O tè ben! Ni Ala sonna, farafinw dama min be dɔnko baara kè be na caya sɔɔni

Laisser un commentaire

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l'aide de votre compte WordPress.com. Déconnexion / Changer )

Image Twitter

Vous commentez à l'aide de votre compte Twitter. Déconnexion / Changer )

Photo Facebook

Vous commentez à l'aide de votre compte Facebook. Déconnexion / Changer )

Photo Google+

Vous commentez à l'aide de votre compte Google+. Déconnexion / Changer )

Connexion à %s