Fasokan ye « Kalan ni Seko jɔnjɔn » sɔrɔ Bobs san 2012 ɲɔgɔndan na


Kiritigɛ jɛkulu. (Ja tara Bobs ka siti kan.)

Bobs kiritigɛlaw, (Tubabukan) n’olu ye Bulɔgitigiw, Ɛntɛrinɛti matarafabaw, kunnafoniko dɔnbaa ŋanaw ye, olu farala ɲɔgɔn kan, ka tile kelen kɛ, ka hakililaw falen falen ɲɔgɔndan ŋanaw cɛ, walasa ka sebaw woloma ka bɔ tɔw cɛ ma kategori wɔɔrɔ la. Anw nisɔndiyalen bɛ jɔnjɔntabaw jira aw la sisan. (Ni kunnafoni in tara Bobs ka siti kan aw bɛ se ka kunnafoni tɔ bɛɛ sɔrɔ min kan tubabukan na.)

Kunnafo i cunna tarata mɛkalo tile 2 san 2012. N fana nisɔndiyalen bɛ kunnafoni d’aw tulo kan ko nka siti wɛbu Fasokan, n’o bɛ Bamanankan ni Tubabukan na, o ye san 2012  “Kalan ni Seko jɔnjɔn sɔrɔ Bobs san 2012 ɲɔgɔndan” jɔnjɔn ta. N b’o nisɔndiya n’o ɲagari tila aw fɛ bi. O kama, n bɛ n ka siti kalanbaa bɛɛ fo ani mɔgɔ minnu y’u ka baara bila miniti damadɔ, ka wote Fasokan ye. N bɛ foli ni waleɲumandɔn kɛ ka ɲɛsin Deutsche Welle (Tubabukan) ma u ka ni hakilina ɲuman in bilali ma sen kan ani ka kiritigɛ jɛkulu bɛ fo u ka danaya la ne ka kɛtaw la.

N bɛ dugaw kɛ, walasa cɛsiri min bɛ sen na an ka Farafinnakan ka ɲɛtaa n’u ka lakodɔnni kama, u ka se ka ye kanw cɛma, Deutsche Welle ɲɔgɔndan bɛ kɛ kan minnu na : allemand, anglais, arabe, chinois, espagnol, farsi, français, néerlandais, portugais et russe. (tubabukan.)

N ka fali banbali bɛ ka ɲɛsin Global Voices ni Rising Voices duba ma, olu minɛ ye minɛn fɔlɔw sɔrɔli nɔgɔya walasa ka Ɛntɛrinɛti kalanni fɔlɔw kɛ togodaw la. N tɛ ɲinan Alisa n ma kɛ Hakilitigi Ye kɔ, ko bɛ jujɔnna o min na san 2008, togodaw la.

Nin sen in ta ye nisɔndiya ye RFI ka Mondoblog mɔgɔw fana bolo bawo Kamer Kongossa, n’o fana ye Mondoblog mɔgɔ dɔw ye, o ye «Tubabukan bulɔu jolen » jɔnjɔn sɔrɔ : http://kongossa.mondoblog.org/.

N ka foli bɛ Kamer Kongossa ye ani nin sen in jɔnjɔntala bɛɛ. Minnu fana y’u sen don nin ɲɔgɔndan in na n’u ma fɛn sɔrɔ, n ka foli b’u bɛɛ ye. Minnu fana m’u sen don nin ɲɔgɔndan in na fɔlɔ, n bɛ weele bila u ma u k’a lajɛ bawo, jamanako tɛ, wa ɲɔgɔndan in tɛ sigiyɔrɔko ye, n’o tɛ, Fasokan ka dugu ni Alemaɲi ka jan ɲɔgɔn na.

Kunnafoni duman in cunna waati min na, jamana tilali kɛlɛ, polotigiko kɛlɛ ani finitigi kɛlɛ bɛ an ka jamana kɔnɔ. O kama, n bɛ hakɛto ɲini aw fɛ, ka jɔnjɔn in bila “KELENYA NI BƐN TƆGƆ LA MALI LA”

N bɛ sinsin nin ko in kan fana, ka foli di mɔgɔw ma, minnu ka dɛmɛ n’u seko ni dɔnko ma kɔtigɛ  n na Ɛntɛrinɛti degeli sira fɛ.

Publicités

3 réflexions au sujet de « Fasokan ye « Kalan ni Seko jɔnjɔn » sɔrɔ Bobs san 2012 ɲɔgɔndan na »

Laisser un commentaire

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l'aide de votre compte WordPress.com. Déconnexion / Changer )

Image Twitter

Vous commentez à l'aide de votre compte Twitter. Déconnexion / Changer )

Photo Facebook

Vous commentez à l'aide de votre compte Facebook. Déconnexion / Changer )

Photo Google+

Vous commentez à l'aide de votre compte Google+. Déconnexion / Changer )

Connexion à %s