Nakɔsɔnnan kɔrɔman


Nakɔsɔnnan kɔrɔmanw togodaw la

Waati bɛ yɛlɛma, ali togodaw la, kow bɛɛ bɛ yɛlɛma yɛlɛma dɔnnin dɔnnin ka kɛ tubabu taabolow ye. O yɛlɛma ninnu sen fɛ, an b’a kɔlɔsi ko baarakɛ minɛn kɔrɔlen  caman bɛ an ka duguw kɔnɔ, nka taama jamana ɲɛ fɛ, o bɛ kɛ sababu ye k’a minɛn kɔrɔ dɔw ye, k’u ɲɛnafin bɔ i la bawo, alisa, dugu dɔ la, baarakɛ minɛn wɛrɛ t’u bɔ.

A bɛ k’a ka nakɔ sɔn ni nakɔsɔnnan kɔrɔman ye

Togodala musow bɛ nakɔbaara kɛ kosɛbɛ walasa k.’u ka tile musakaw sɔrɔ. O nakɔbaaraw sen fɛ, nakɔsɔnnan kɔrɔmanw « n’o ye bara datigɛlen ye » olu  tununa k’u nɔnabila ni tubabu nakɔsɔnnan ye dugu caman kɔnɔ.

Dugu caman bɛ yen nin fɛn ninnu tɛ ye tugun, nka, n ka taama sen fɛ Bajidala duguw la, ne taara bala muso nakɔtigi dɔw la, u bɛ k’u ka nakɔ sɔn ni nakɔsɔnnan kɔrɔmanw ye. O kɛra sababu ye ka o minɛn ninnu ɲɛnafin bɔ ne na, bawo ne tun mɛɛnnan ka sɔrɔ m’u ye.

Muso ninnu ko n ma, n’i y’a ye u bɛ minɛn kɔrɔ ninnu mara, baara ka nɔgɔ u bolo n’u ye ka tɛmɛ tubabu minɛnw kan. O kɔfɛ, n’u tiɲɛna, u yɛrɛ bɛ se k’u dila ka sɔrɔ u ma wari bɔ.

Publicités

Une réflexion au sujet de « Nakɔsɔnnan kɔrɔman »

  1. I ye mɔgɔ sɛbɛ ye. Waatimena maabɛɛ bɛ u ka kuma ɲɛsin Mali kɛlɛ ni sɔsɔli ma, i yɛrɛ ka kuma bɛ Mali laada ni kɛcɔgɔ kan. Ala k’i dɛmɛ! Ala ka baara sabati!

Laisser un commentaire

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l'aide de votre compte WordPress.com. Déconnexion / Changer )

Image Twitter

Vous commentez à l'aide de votre compte Twitter. Déconnexion / Changer )

Photo Facebook

Vous commentez à l'aide de votre compte Facebook. Déconnexion / Changer )

Photo Google+

Vous commentez à l'aide de votre compte Google+. Déconnexion / Changer )

Connexion à %s