Afiripeja kɛra dɔnnin bulonba ye lakɔlikaramɔgɔw  bolo  dɔngɔnɔ duguw la


lakɔlikaramɔgɔw kalanni Afiripeja la Mali la

lakɔlikaramɔgɔw kalanni Afiripeja la Mali la

Kama lakɔlikaramɔgɔw ka cɛsiri, u ka nafa ani u ka nimisiwasa jirali  ka ɲɛsin Afiripeja sɔrɔli ma u ka lakɔliso oridinatɛriw kan, o b’a to an bɛ se k’a fɔ ko Afiripeja sigili ɔridinatɛri 52 kan kama lakɔliso ni Banjagara lise la, o dabɔra kun min kama, o ɲɛna. 

 Afiripeja sigilen kɔ ɔridinatɛri 52 kan kama ani Banjagara lakɔlisow ani ɔridinatɛri yaalataw kan dɔngɔnɔ duguw la, lakɔlikaramɔgɔ mugan ɲɔgɔnna degera baarakɛli la ni Afiripeja ye. Lakɔlikaramɔgɔ minnu tun ma deli ka baara kɛ ni ɔridinatɛri ye fɔlɔ, olu degera ɔridinatɛri taabolo fɔlɔw la dɔgɔkun kelen kɔnɔ. O kɔfɛ, u sɔrɔla ka fara lakɔlikaramɔgɔ tɔw kan ka Afiripeja baarakɛli dege bawo Afiripeja bɛ se ka kɛ i ko dɔnnin bulonba fiɲɛ fɛ fan bɛɛ la ni Ɛntɛrinɛti tɛ lakɔlikaramɔgɔw masurunna.

Foto in tara wikipeja kan

Foto in tara wikipeja kan

 Afiripeja ɲɛfɔlɔ ja bilalen kogo kan, kalanso dɔ kɔnɔ, o y’a to bɛɛ sera ka faamuyali sɔrɔ Afiripeja nafa n’a baarakɛcogo kan. O kɔfɛ, lakɔlikaramɔgɔ kelen kelen bɛɛ taara i sigi ɔridinatɛri dɔ la walasa ka baara daminɛ u yɛrɛ ye Afiripeja kan, degelikɛbaga ka ɲɛfɔli kɔfɛ. U benna ka ɲininiw k’u yɛrɛ ye Afiripeja kan. I n’a fɔ n y’a kɔlɔsi cogo min na fan bɛɛ fɛ n ye Afiripeja sigi ɔridinatɛriw kan yɔrɔ minnu na,  n’i ko mɔgɔ ka ɲinini kɛ u degelen kɔfɛ, u b’a daminɛ n’u yɛrɛ ka duguw, u ka sigidaw walima u ka yɔrɔ seko ni dɔnkow ɲinini ye fɔlɔ. O de kama, lɛrɛ ni lɛrɛ, an tun bɛ nin dɔngɔnɔ cɛkɔrɔba in ja ye ɔridinatɛri bɛɛ kan lakɔlikaramɔgɔw fɛ u ka ɲinini fɔlɔ senfɛ. O cɛkɔrɔba in ja de kɛlen bɛ ka dɔngɔnɔ duguw ɲɛfɔli tamasiyɛn ye wikipeja kan (tubabukan). Ɔwɔ, o ka kan, bawo « dɔnni fɔlɔ ye yɛrɛdon de ye »

 Afiripeja baarakɛcogo kalannen kɔfɛ, an ye hakilina falen falenw kɛ  minɛn in  nafa kan ani k’a lajɛ cogo min na a bɛ se lakɔlikaramɔgɔw dɛmɛ kosɛbɛ u ka baaraw la walasa ka kalan kɛko ɲuman sabati u bolo, ka dɔnniya dafalen di kalandenw ma na ka jamana kɔnɔ. Gɛlɛya foyi ma sɔrɔ o la bawo, « ka kɛ lakɔlikaramɔgɔ ye, o de ye ka kɛ hakilitigi ye, ka kokura nafamaw kɛ » O hakilina falen falen ninnu bɔra ni miiriya caman ye an sinna ka minnu kɛli daminɛ o yɔrɔ bɛɛ la. An ye kalansenw marayɔrɔ caman dilan ɔridinatɛriw kan walasa ni ɲinini kɛra kalansen min kan, k’o labɛn ka ɲɛ lakɔlikaramɔgɔ kulu fɛ, o sɛbɛn labɛnen bɛ mara a marayɔrɔ la. O dɔ kɛra tubabukan kalanni, tarikukalanni, jatekalan ani kalansenw bɛɛ la. An jɛra ka ɲinininw kɛ kalansenw kan, k’u labaara ɲɔgɔn fɛ, k’u mara u marayɔrɔw la k’o kɛ misaali ye ka jira bɛɛ la walasa bɛɛ hakili ka to a kɛ cogo la.

O baara in b’a to lakɔlikaramɔgɔw bɛ se k’u ka ɲininin kɛlen kɔrɔw n’u ka kalansen labɛnnenw ye nɔgɔyala ani ka sɔrɔ u ma ɲinini wɛrɛ kɛ o kalansen ninnu kan. A b’a to fana u ka se k’u ka o baara ninnu tila u ni lakɔlikaramɔgɔ wɛrɛw cɛ yɔrɔjan fɛ jamana fan bɛ ni dɔrɔpubɔkisi ni guguludirawu ye, an ye minnu sigi ɔridinatɛri caman kan kama ni Banjagara ani ka lakɔlikaramɔgɔ caman dege baarakɛcogo la n’o lozisiyɛli ninnu ye.

 Lakɔlikaramɔgɔw tun bɛ tile tan ni duuru sɛngɛlafiyɛnbɔ la, nka o m’a bali u k’u cɛsiri nin kalan ninnu na dɔgɔkun fila kɔnɔ, ka se ka Afiripeja n’a baarakɛcogo ɲɛ dɔn o min bɛ se k’u dɛmɛ kosɛbɛ u ka baara la.

Publicités

Une réflexion au sujet de « Afiripeja kɛra dɔnnin bulonba ye lakɔlikaramɔgɔw  bolo  dɔngɔnɔ duguw la »

  1. Afripeja baarakèlaw aw ni ké awka nin hakile numan yala . ni min filèni yé fasoden k’a nètaa doyé . nèka folibe Bakary konaté anaa ka tièdenw yé .

Laisser un commentaire

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l'aide de votre compte WordPress.com. Déconnexion / Changer )

Image Twitter

Vous commentez à l'aide de votre compte Twitter. Déconnexion / Changer )

Photo Facebook

Vous commentez à l'aide de votre compte Facebook. Déconnexion / Changer )

Photo Google+

Vous commentez à l'aide de votre compte Google+. Déconnexion / Changer )

Connexion à %s