N ka kunnafoni tɛmɛnnen dɔ kɔnɔ tubabukan na, n da sera baganmara nafa ma togodaw mɔgɔw kan. Baganw ye sɔrɔ ni mara siraba togodaw la ye.
Togodalamɔgɔw bɛ nɔnɔ sɔrɔ u ka baganmaralenw na. Nɔnɔ jɔyɔrɔ ka bon kosɛbɛ baloko ni sɔrɔ la an ka duguw kɔnɔ. Daraka ni surɔfana bɛ kɛ seri du caman kɔnɔ siɲɛ caman. Nɔnɔ bɛ kɛ seri la. Nɔnɔ bɛ kɛ dumuni caman fana na i n’a fɔ basijalan, dɛgɛ ani dumuni wɛrɛw. Demisɛnw b’o basi n’o dɛgɛ min tilelafana ni wulalafana cɛ (u tɛ se ka kɔngɔ muɲu o waati kɔnɔ). Basi ni dɛgɛ bɛ kɛ ka dunan cunnenw bisimila fana ani dunan minnu b’u sɛgɛnlafiɲɛbɔ ka tɛmɛ. O ye Mali diyatigiya diyayɔrɔ dɔ ye.
Bagan caman bɛ minnu fɛ, olu bɛ nɔnɔ feerefana k’o wari mara walima k’o wari kɛ dɔgɔkun nasɔngɔ ye. O yɛrɛ de kama, nɔnɔmugu walima nɔnɔdoro tɛ sɔrɔ togodaw la ka caya.
ɲinɛn, nɔnɔ sɔrɔli ka gɛlɛ duguw kɔnɔ k’a sababu kɛ, san bɛrɛ mana, wa san jɔra joona. Baganw tɛ dumuni bɛrɛ sɔrɔ, bawo bin tɛ kungo kɔnɔ. Ni baganw tɛ dumuni sɔrɔ, u tɛ nɔnɔ bɛrɛ bɔ. O de ye gɛlɛyaba ye duguw kɔnɔ bi, bawo, mɔgɔw t’a dɔn u bɛna demisɛnw ka tilefɛ dumuniko kɛ cogo min na.
FASOKAN 