Fɔkɔ, jiri tun sɔrɔ ka di an ka togodaw la ka sow bili n’a ye. Tile kelen walima tile fila, ka sɔrɔ i ma taa yɔrɔjan, I tun bɛ se k’i sagola jiri hakɛ sɔrɔ. Nka bi, walasa k’i sagola jiri sobilita hakɛ sɔrɔ, fɔ i ka kilomɛtɛrɛ caman taama k’a sababu kɛ jiri ntanya ye kungo kɔnɔ. O la yɛrɛ, fɔ i ka taakaseginko caman kɛ dɔgɔkun kelen, fila, walima saba kɔnɔ.
Minnu bɛ jiri san mɔgɔ wɛrɛw fɛ, olu y’a ye k’a fɔ ko tɔli sanni ka so bili n’a ye, o de musaka ka nɔgɔ ni so bilili ye ni tɔli ye. O gɛlɛyaba de bɛ togodalamɔgɔw dala bi bawo, a man nɔgɔn sɛnɛkɛla ma fiyɛwu k’a ka so bili ni tɔli k’a sababu kɛ musakako gɛlɛya ye. O de la, minnu bɛ ka so jɔ kɔsa in na, olu bɛɛ bɛ k’u jija walasa k’u ka sow bili ni tɔli ye.
FASOKAN 